miércoles, 26 de junio de 2019

CHEGARON AS VACACIÓNS.!!!


O pasado venres, comezo do verán, rematamos o curso escolar dun xeito similar ao curso anterior, con encontros musicais e xogos ao aire libre (birlos, zancos, xogos tradicionais, pompas de xabrón,...).




domingo, 16 de junio de 2019

EN FORMA CON....KEITH HARING

Keith  Haring, artista  estadounidesense, o máis importante dos pintores de  graffitis dos anos 80, convídanos a bailar e mover o corpo co seu debuxo figuras bailando, que @s  nen@s  colorearon imitando a súa obra.
 
 
 
Este traballo vén ilustrar a aprendizaxe que xa rematamos dos músculos do corpo que nos permiten saltar, bailar e movernos....



jueves, 13 de junio de 2019

A COLLEITA


 Hoxe recollemos as leitugas que @s  nen@s plantaron hai tempo e que xa levaron para casa.
Este ano déronse moi ben como xa puidestes comprobar.





Bo proveito!!!!

jueves, 6 de junio de 2019

DÍA DO MEDIO AMBIENTE

Onte, 5 de xuño celebrouse o Día do Medio Ambiente.
O obxectivo desta data é sensibilizar á poboación na protección e coidado do noso planeta.
Aínda que o tema deste ano é "A loita contra a contaminación do aire" pareceume máis oportuno para @
s  nen@s, dada a súa idade, facernos eco neste día dunha noticia que  apareceu nos medios sobre a liberación dunha tartaruga atrapada nunha rede de plástico.

Vimos o vídeo deste suceso e comentámolo apreciando nos nenos e nas nenas sentimentos de compaixón ante este feito.
Por último, chegamos á conclusión de que NUNCA deixaremos desperdicios cando vaiamos ao monte ou á praia, e que SEMPRE os botaremos nos contedores apropiados.


Para rematar esta sesión @s  nen@s debuxaron a tartaruga da noticia.
https://youtu.be/wSlkHTqPOYw 

jueves, 30 de mayo de 2019

NATUREZA VIVA

A natureza segue o seu curso e as leitugas e os amorodos continúan a medrar....



Tamén o pequeño recuncho do xardín coas flores e as plantas aromáticas esta que dá gusto velo. 

miércoles, 22 de mayo de 2019

VISITA AO MUSEO....

 O pasado xoves fomos de visita ao Museo de Belas Artes da Coruña. Alí fomos vendo algunha escultura e diferentes cadros de autores como  Urbano Lugrís, Luis Seoane, Francisco Llorens..., coa temática do mar.



 Logo, no momento da saída, déronnos uns traballos para facer na escola a modo de resumo de todo o que vimos alí. Nestes tamén @s  nen@s puideron plasmar a súa creatividade facendo a súa propia obra.

viernes, 17 de mayo de 2019

DÍA DAS LETRAS GALEGAS

Hoxe, festividade das letras galegas, réndeselle homenaxe á figura de Antón Fraguas, historiador, antropólogo, etnógrafo, escritor e profesor galego.
Na escola @s  nen@s fixeron a súa achega a esta homenaxe cunha carauta bordeada dun texto recolleito polo autor.



Tamén recortaron o retrato do homenaxeado para  organizalo como un quebracabezas nunha lámina ilustrativa desta festividade.










miércoles, 15 de mayo de 2019

DÍA DA FAMILIA


Hoxe celébrase o día da familia e @s  nen@s quixeron agasallarvos cuns cadros ben bonitos que fixeron na aula de  Mada.

martes, 14 de mayo de 2019

AMORODOS...

Hai uns días traballamos no horto plantando as leitugas, hoxe tocouolle a quenda ás xardineiras plantando amorodos.
Primeiro limpamos as malas herbas que éstas tiñan e arrincamos as follas secas aproveitando algunhas plantas desta froita que sobreviviron do ano pasado. O feito de repetir experiencia cos amorodos débese 
a que é unha planta moi resistente coa que case temos asegurado o éxito que é o importante para que @s  nen@s poidan observar o crecemento desta cos coidados oportunos que se lle irán dando.