domingo, 13 de octubre de 2019

NO OUTONO...


"Vanse, vanse as andoriñas….." é o comezo dun poema do escritor galego Antonio García Teijeiro que nos serviu para iniciar o outono e para coñecer a estas pequeñas aves que por estas datas migran cara a lugares máis cálidos. Despois de ler moi amodo esta poesía e comprender o seu significado (aves migratorias) buscamos un debuxo desta ave para poder picalo (traballando así a motricidade fina), e para ilustrar o poema.


Logo, no momento de traballar a lecto-escritura, lemos moi amodo a palabra "andoriña" e repasámola sobre papel seguindo o trazo enlazado das minúsculas (vocais e consonantes). 


Unha vez aprendido un anaco desta poesía, @s nen@s escribiron algunhas estrofas da mesma.








Noutra sesión fixemos o mesmo coa palabra "outono", leimola, repasámola e ilustrámola.


 

miércoles, 18 de septiembre de 2019

XA ESTAMOS AQUÍ !!!

Hoxe fixo unha semana que xa estamos por aquí adaptándonos aos poucos ao ritmo da escola.

Este novo curso "@s Pequech@s" xa son os maiores do centro e teñen por diante moitos meses cargados de ilusións e novas experiencias....

Onte, aproveitando que xa estabamos todos fixemos una foto para darvos a benvida ao bloque.






Comezamos…!!!

miércoles, 26 de junio de 2019

CHEGARON AS VACACIÓNS.!!!


O pasado venres, comezo do verán, rematamos o curso escolar dun xeito similar ao curso anterior, con encontros musicais e xogos ao aire libre (birlos, zancos, xogos tradicionais, pompas de xabrón,...).




domingo, 16 de junio de 2019

EN FORMA CON....KEITH HARING

Keith  Haring, artista  estadounidesense, o máis importante dos pintores de  graffitis dos anos 80, convídanos a bailar e mover o corpo co seu debuxo figuras bailando, que @s  nen@s  colorearon imitando a súa obra.
 
 
 
Este traballo vén ilustrar a aprendizaxe que xa rematamos dos músculos do corpo que nos permiten saltar, bailar e movernos....



jueves, 13 de junio de 2019

A COLLEITA


 Hoxe recollemos as leitugas que @s  nen@s plantaron hai tempo e que xa levaron para casa.
Este ano déronse moi ben como xa puidestes comprobar.





Bo proveito!!!!

jueves, 6 de junio de 2019

DÍA DO MEDIO AMBIENTE

Onte, 5 de xuño celebrouse o Día do Medio Ambiente.
O obxectivo desta data é sensibilizar á poboación na protección e coidado do noso planeta.
Aínda que o tema deste ano é "A loita contra a contaminación do aire" pareceume máis oportuno para @
s  nen@s, dada a súa idade, facernos eco neste día dunha noticia que  apareceu nos medios sobre a liberación dunha tartaruga atrapada nunha rede de plástico.

Vimos o vídeo deste suceso e comentámolo apreciando nos nenos e nas nenas sentimentos de compaixón ante este feito.
Por último, chegamos á conclusión de que NUNCA deixaremos desperdicios cando vaiamos ao monte ou á praia, e que SEMPRE os botaremos nos contedores apropiados.


Para rematar esta sesión @s  nen@s debuxaron a tartaruga da noticia.
https://youtu.be/wSlkHTqPOYw 

jueves, 30 de mayo de 2019

NATUREZA VIVA

A natureza segue o seu curso e as leitugas e os amorodos continúan a medrar....



Tamén o pequeño recuncho do xardín coas flores e as plantas aromáticas esta que dá gusto velo. 

miércoles, 22 de mayo de 2019

VISITA AO MUSEO....

 O pasado xoves fomos de visita ao Museo de Belas Artes da Coruña. Alí fomos vendo algunha escultura e diferentes cadros de autores como  Urbano Lugrís, Luis Seoane, Francisco Llorens..., coa temática do mar.



 Logo, no momento da saída, déronnos uns traballos para facer na escola a modo de resumo de todo o que vimos alí. Nestes tamén @s  nen@s puideron plasmar a súa creatividade facendo a súa propia obra.

viernes, 17 de mayo de 2019

DÍA DAS LETRAS GALEGAS

Hoxe, festividade das letras galegas, réndeselle homenaxe á figura de Antón Fraguas, historiador, antropólogo, etnógrafo, escritor e profesor galego.
Na escola @s  nen@s fixeron a súa achega a esta homenaxe cunha carauta bordeada dun texto recolleito polo autor.



Tamén recortaron o retrato do homenaxeado para  organizalo como un quebracabezas nunha lámina ilustrativa desta festividade.